प्रविन चौहान, साउन ३२ गते सोमबार
मालारानी गाँउपालीकाको कोभिड अस्थायी अस्पतालमा भोली एन्टिजेन किट मार्फत कोरोना परिक्षण गरीने भएको छ । मालारानी गाँउपालीकाको वडा नम्बर ४ खन गुफामा रहेको सभाहल नजिकैको कोभिड अस्थायी अस्पतालमा कोरोना परिक्षण गरिने भएको हो । कोरोनासँग मिल्दोजुल्दो लक्षण देखिएका मालारानी गाउपालीका भित्रका जो कोहिलेपनी परिक्षण गराउन सक्ने पालीकाका स्वास्थ्य शाखा प्रमुख भविश्वर खनालले जानकारी दिनुभयो ।
भोली बिहान १० बजेबाट नाम दर्ता सुरु हुने र ११:३० बजेबाट परिक्षण सुरु हुने उहाले बताउनु भयो ।
साथै यस अघि कोरोना परिक्षण दिउसो १२ बजेबाट हुदै आएकोमा भोली चाही ११:३० बाटनै शुरु गरीने भएको समेत उहाले जानकारी दिनुभएको छ ।
पछिल्लो समय मालारानी गाँउपालीकामा कोरोना सँक्रमितको सङख्या तिब्र गतिमा बढेकोले हप्ता हप्तामा शिविर सन्चालन गरी परिक्षणलाइ तिव्र बनाइएको छ । यस अघि गएको श्रावण २७ गती बुधबार पनि एन्टिजेन किट मार्फत कोरोना परिक्षण गरिएको थियो । त्यसबेलाको परिक्षणमा १८१ जनामा एन्टिजेन परिक्षण गरीएकोमा ३८ जनामा कोरोना सँक्रमण पुष्टि भएको थियो ।
